Yadlar Ölkəsi Leyla Slimani
Gənc elzaslı Matilda Fransa ordusunda döyüşən mərakeşli Amin Belaja aşiq olur. Qurtuluşdan sonra cütlük Mərakeşin qarnizon və köçkünlər şəhəri olan Meknesə köçür. Amin daş, qaya və quraq torpaqlardan ibarət ərazini əkinə yararlı hala gətirmək istəyir. Lakin Matilda Mərakeşin sərt iqlimindən və kasıblıqdan əziyyət çəkir. İki övladı ilə uzaq fermaya düşən qadın bir əcnəbi kimi yerli insanlarda inamsızlıq da yaradır.
Cütlüyün zəhməti bəhrə verəcəkmi?
Romanın əhatə etdiyi on il həm də 1956-cı ildə keçmiş protektoratın müstəqilliyinə səbəb olacaq gərginliyin və zorakılığın qaçılmaz yüksəliş dövrüdür.
Bu əsərdəki bütün personajlar “başqasının ölkəsi”ndə yaşayır.
Müəllif bu keşməkeşli dövrü, bu dövrün insanlarını çox incə və həssas bir dəqiqliklə təsvir edir.